حلى لذيذ وسهل مرة على طريقة مجنونة نت يصلح حلى عشا وحلى قهوة بنفس الوقت

[اليوم بأعلمكم طريقة حلى على طريقتي الخاصة

طبعا معروف اي حلى فيه قشطة وجبن كيري ونستلة بيطلع حلو

قمت وفكرت وجتني هالفكرة الحلوة وشرط كل من بيذوقها بيقول روووووعة

المقادير:

اللي تصفينهم بالصينية البايركس:

بسكوت ألكر للشاي <<< هذا على فكرة افضل بسكوت للحلويات بشكل عام

حليب بارد

اللي تحطينهم بالخلاط الكهربائي:

علبة قشطة أي قشطة عندك وأنا استخدمت نستلة

10 حبات جبن كيري

5 ملاعق كبار حليب نستلة المحلى

ظرف كريم كراميل

شوي حليب بارد يعني يجي ربع بيالة

وفليك طبعا للتزيين

الطريقة ولا اسهل:

جيبي صينية بايركس وابدي صفي فيها طبقتين من البسكويت.. طبعا كل بسكوتة تغطينها بالحليب البارد

قبل لا تصفينها في الصينية عشان تضبط..

بعد كذا حطي المقادير اللي انا كاتبتهم بالخلاط وخليهم ينخلطون ثم صبي الخليط فوق البسكويت

بعد كذا زيني الصينية بالفليك المفتت وحطيها بالثلاجة لين تبرد

إذا تبين الخلطة جامدة حطي فيها جيلاتين.. يعني بيالة ماء حار مع ملعقة كبيرة جيلاتين

وإذا تبين تغيرين حطي بدل ظرف كريم الكراميل ظرف دريم ويب بس كثري النستلة شوي زيديهم ملعقتين

وبالهنا والعافية وصدقوني سهلة مرة وما تاخذ 5 دقايق ولذيذة تسوونها وتجلسون تا كلونها روعة

وتصير بعد حلى عشا او تقطعينها صغار وتصير حلى تقديم.. بس الأفضل اذا تبينها حلى تقديم

انك تضيفين جيلاتين للخلطة والبسكويت تطحينينه أفضل واحلى وأوجه

أتمنى تطبقونها ترى والله لذيذة وسهلة

وبالعـــــــــــــــافيهـ علـــــيكم

[center]

:lol:

إن شآء الله أسويه بآتسر مع القهوه


بس عسآآي أقووم

يعطيك العآفيه قليبي